CENTRAL CAPITAL INVESTMENT SUBSIDY (CCIS)
Central sorkarin-a Industries neitute hnathawh phur nan leh a chawhphur nana scheme a siamte zing a mi niin a hming (title) ‘Central Capital Investment Subsidy’ tih a ni.
Dil thei turte:
1. District Industries Centre hnuaia Permanent Registered Unit emaw Entrepreneur Memorandum Part II ti fel tawh an ni tur a ni.
2. North East Industrial and Investment Promotion Policy, 2007 hnuaia Central Capital Investment Subsidy scheme atana Registered Unit an ni tur a ni.
3. 1.4.2007 hnu lam atanga hma la tan unit an ni tur a ni.
4. 1.4.2007 hma lam a hma la tawh an nih pawhin dt.1.4.2007 hnu lama an unit tihlenna (expansion) atan Plant & Machineries lei thar hmangin an dil thei bawk ang.
5. Central Capital Investment Subsidy-in a huam chu khawl leh a behbawm (Plant & Machineries) entirnan :- hnathawhna hmuna khawl leh a behbawm bakah hmanraw dang dangte (tools, jigs, dies, moulds, insurance premium, etc.). He subsidy hian a chak (raw materials) leh hman ral chi (consumable stores) a huam lo.
A dil dan kalphung
Industries Department hnuaia Permanent Registration emaw Entrepreneur Memorandum Part II nei an nih hnu-ah North East Industrial and Investment Promotion Policy, 2007 hnuaia Central Capital Investment Subsidy atan in-register an ni tur a ni. Plant & Machineries leina original purchase voucher dik tak, dilna (application) ah hian thil tel tur a ni. He scheme hnuaiah hian 30% subsidy dil theih a ni.
Mizorama he scheme hnuaia thuneitu chu State Level Committee a ni
Diltute hriat tur pawimawhte:
1. Central/State Govt./Financial Institution-in Industrial Unit hnena CCIS tanpuina/Subsidy a lo pek tawh, thil fel tawk lo leh rinhlelhawm entirnan :- thil dik lo tak/dawt inhrilh (false information) avanga dawng emaw, Industry din atanga kum 5 ral hmaa tawp sante hriatchhuah an nih chuan Central Government/State Govt./Financial Institution te hian unit-in tanpuina a lo dawn tawhte chu pe-kir leh turin thuneihna an neiin an thing thei ang.
2. Ministry of Industry, Department of Industrial Policy & Promotion/State Govt./Financial Institution hnen atanga phalna/pawmpuina la hmasa lo chuan Industry neitute reng rengin tanpuina/subsidy an dawn tawh hnuin an unit hmun a pumin emaw a then a zar emaw sawn phal a ni lo.
3. State Govt./Financial Institution-in Industrial Unit te hnena tanpuina/subsidy a pek chhuah chu tanpuina pek chhan ang ngeiin pawisa an hmang ngei a ni tihna lehkha (Utilization Certificate), pawisa an lak zawh vek hnu atanga kumkhat chhung ngeiin Central Ministry of Industry- Department of Industrial Policy & Promotion hnenah theh luh a ngai.
4. Govt. of India-in thu thar an rawn neih angin, khawl (Plants & Machineries) leina reng reng Bank kaltlang chauhin (Cheque emaw Demand Draft) a ni tur a ni.
He Scheme hi Internet-ah ‘www.laghu-udyog.com’ website-ah hmuh theih a ni e. (www.laghu-udyog.com – Schemes – Special Schemes)
CENTRAL TRANSPORT SUBSIDY
(Transport Subsidy Scheme, 1971)
Sawrkar laipuiin kum 1971-a a ruahman tawh niin, a tum ber chu, industry lama hnufual, tlang ram, hmun kilkhawr leh tlawhpawhna awm tha tawk lo hmun te industry lama tihhmasawn ve a ni a. Thil siamna atana chak (raw material) lakna leh thil siam chhuah thawn chhuahna senso tam chhawk zangkhaina tur a ni. A bikin India hmar chhak kil hi puihbawm ngai zual chu kan ni a, chuvangin 31.3.2017 thleng min la pawhseisak a ni.
A tirah chuan chak phurh chhuah man hi 50% (zaa sawmnga) tum letsak niin, 75% (zaa sawmsarih panga) a pun chhoh ni lehin hun eng emaw chen atang khan 90% (zaa sawmkua) a ni tawh nghe nghe.
Chak phurh luh leh siam chhuah phurh man chhawk theih chin hi, India ram hmar chhak kil piah lam atang lo kal a nih chuan phal theih chin chu Siliguri atanga Silchar thleng rel-a phurh man leh a bak zawng industry bunna hmun thleng kawng(motor)a phurhna man a ni. Chak leina atanga motor hlira phurh thlen pawh ni mahse, rel kawng awmna chinah chuan rela phurh mana chhut tho tur a ni. Tin, hmar chhak kil chhungah pawh State pawna mi phurh man pawh min la phalsak leh ta zel bawk.
Dilna chu District Industries Centre – Aizawl, Lunglei, Saiha, Kolasib, Champhai, Serchhip, Lawngtlai leh Sub-Divisional Industries Office, West Phaileng-ah te a dilna lehkha la chhuaka theh luh theih a ni. Dilna theh luh chu thehluhna pisaa mi te’n an endik hnuah hmu tlak nia an hriat chu Directorate Office-ah an thawn leh a. Directorate-a mi te’n an lo en chiang leh a. Hmu tlak nia an hriat te chu State Level Committee-ah an thlen leh a. State Level Committee-in hmu tlak nia a hriat chu sawrkar laipuiah a thawn thla leh thin a ni.
Sawrkar laipuiin a lo dawn hnuah remchang hun a tihah chik leh zuala en diktu (Pre-Audit) a tir leh a. Chu mi te’n tling an tih chu pek an ni chauh thin.
Pawisa pe chhuaktu atan sawrkar laipui chuan North Eastern Development Finance Corporation Limited (NEDFi) a hmang ve leh chhawng bawk.
He Subsidy dil tur hian Industries Department hnuaiah Permanent Registration nei tawh emaw Entrepreneur Memorandum Part II ti fel tawh nih a ngai a. Tin, a hranpaa Transport Subsidy Scheme hnuaia Registration neih a ngai bawk.
He Subsidy dil thei chu thil thar siam chhuak (manufacturing) chi chauh an ni a, a awmsa siam tha, chei tha leh tuaihnum chi (repair and servicing) tan chuan dil ve a remchang lo.
Dil theih rei zawng chu thil siam chhuah atanga kum 5 (nga) chhung a ni.
Tun hnaiah sawrkar laipuiin kalphung zawm tur thar a rawn tichhuak a. Chu mi ang chuan chak (raw material) leina leh a phurhna man pek reng reng Bank kaltlang (Cheque/Demand Draft) a ni tawh tur a ni. Chhiah (Sales Tax leh Value Added Tax) pek kaihhnawh lehkha Registration leh Return neih tel a ngai bawk a. Chak lak luhna lehkhaah kawnga State ramri kanna chhinchhiahna (Seal) lehkhaah a chuan tel a ngai bawk a ni. Zawm tur a rawn siam thar hi 10.9.2009 hma lam tan Check List ‘A’ leh 10.9.2009 chin hnu lam zawm tur Check List ‘B’ a rawn siam chu a hnuaia mi ang hi an ni :
10.9.2009 hma lama dilte zawm/neih tur :
